[Galiza] Meixoeiro e Álvaro Cunqueiro aproban en xunta de personal ir á folga

Os traballadores e traballadoras do Hospital Álvaro Cunqueiro convocan unha folga de 24 horas, previsiblemente, o vindeiro 13 de outubro, coa que continuar a esixir unha sanidade 100% pública.

[Galiza] Ante o suicidio do compañeiro desafiuzado o pasado ano en Aríns

A guerra económica que o capitalismo senil desenvolve contra a clase traballadora e as capas populares cóbrase tristemente unha nova víctima. Desta volta trátase do compañeiro Carlos, quen fora inxustamente desafiuzado o pasado ano da súa vivenda de Aríns. Unha vez máis o Réxime e o sistema capitalista que o sustenta demostran non só a súa profunda contradición cos intereses da clase traballadora senón incluso coa vida e a dignidade humanas.

[Galiza] Crónica da loita do sector lácteo pola súa supervivencia

Durante as últimas semanas tiveron lugar unhas longas xornadas de mobilización no sector lácteo en Galiza. A Plataforma en Defensa do Sector Lácteo convocou manifestacións en numerosas comarcas, sendo de especial importancia as que se produciron en Lugo e Compostela. Na primeira, o xoves 3 de setembro, un grande número de gandeiras, así como os sindicatos labregos, tomaron a cidade para esixir un prezo digno e a recollida inmediata do leite, que a industria, incumprindo os contratos, decidiu non recoller.

[Galiza] Tractores á rúa!

Dende o pasado xoves, e tras un verán de mobilizacións no sector lácteo, centos de tractores, chegados dende distintas comarcas, manteñen unha forte acción na cidade de Lugo coa fin de obrigar ás institucións e á industria a fixar uns prezos dignos para o leite e a garantir o sostemento do sector en Galiza. Ademais da realización de asembleas para decidir o futuro da mobilización, promoven unha recollida de sinaturas para esixir a fixación dun prezo mínimo para o leite, a recollida deste por parte da industria e a declaración de nulidade dos contratos abusivos.