[Galiza] Comunicado da Xuventude Comunista no día da Clase Obreira Galega

Pasados 44 anos dende que os sindicalistas de ferrol, Amador e Daniel, foron asasinados a tiros mentres participaban nunha folga, a mocidade obreira seguimos a vernos na obriga de tomar as rúas para reclamar melloras dos dereitos e as condicións laborais.

Sufrimos un mercado laboral que precariza as nosas condicións de vida: contratos de escasa duración, xornadas parciais que obrigan a compaxinar diferentes actividades laborais, baixos salarios. Todo isto impide que a mocidade poidamos estruturar perspectivas de futuro véndonos na obriga de vivir ao día.

[Galiza] A Xuventude Comunista co rap e a cultura na mocidade

O pasado sábado 26 un grupo de rapazas e rapaces da cidade de Ourense puidemos asistir nas Lagoas a unha serie de batallas de galos organizadas pola propia mocidade da cidade. Dende a Xuventude Comunista entendemos este tipo de iniciativas tamén coma expresións de loita. Facémolo xa que, malia non teren un carácter abertamente político e reivindicativo, este tipo de eventos demostran a capacidade da mocidade galega para conquistarmos o dereito á cultura que tanto se nos nega.

Por que loita o sector lácteo galego: o pulso de miles de familias ás empresas multinacionais e ás políticas neoliberais

O pasado mes de setembro, Lugo e Santiago, e previamente outras vilas galegas, paralizáronse ante as xigantescas tratoradas que protagonizaron miles de produtores e produtoras en loita, no que foi un verán moi movido para o sector tras o fin das cotas lácteas. O seu obxectivo: non máis axudas, senon prezos dignos e compromiso político para asegurar a supervivencia do sector.

[Galiza] Comunicado en apoio ás novas mobilizacións do sector lácteo

A inutilidade das medias aprobadas trala folga do sector leiteiro do pasado setembro obriga ás gandeiras a volver ás rúas. As empresas do sector seguen a paga-lo litro de leite por debaixo do seu custo de produción. Un ataque, o do prezo, levado a dúas bandas, dende a industria transformadora e a distribuidora, presión que responde aos intereses do capital, e que non satisfán as necesidades da cidadanía nin en canto a soberanía nin en calidade e seguridade alimentaria. Nin sequera o pacto imposto pola patronal para pór fin ao conflito está tendo cumprimento, e é que baixo as súas premisas a situación das gandeiras nunca terá fin.